Սիրիական ընդդիմությունը մտածում է ժնևյան բանակցություններից դուրս գալու մասին

Սիրիական ընդդիմության պատվիրակությունը կարող է դուրս գալ ժնևյան միջսիրիական բանակցություններից: Այս մասին հայտնում է itar-tass-ը:

«Եթե ընդհանրապես ոչ մի առաջընթաց չլինի, ապա կարծում եմ, որ երրորդ ռաունդը կդառնա ժամանակի զուր կորուստ և իմաստ չի ունենա շարունակել միջսիրիական բանակցությունները»,-ասել է ընդդիմադիր պատվիրակության ներկայացուցիչ Լուեյ Սաֆին լրագրողներին Ժնևում բանակցությունների առաջին օրվա ավարտին:

Սաֆին ընդգծել է, որ բանակցային գործընթացում առաջընթացի նույնիսկ փոքր նշույլի դեպքում ընդդիմությունն այն կշարունակի:

Հիշեցնենք, որ միջսիրիական բանակցությունների երկրորդ ռաունդը մեկնարկել է երկուշաբթի՝ Ժնևում: