Սերժ Սարգսյանը նախագահի թեկնածուի փնտրտուքի մեջ է
Հայկական Մամուլ
Սերժ Սարգսյանը, ինչպես հայտնի է, 2018-ի նախագահական ընտրությունների համար այնպիսի թեկնածուի փնտրտուքի մեջ է, ում ներկայությունը Բաղրամյան 26-ում իրեն չի խանգարի պահել ողջ իշխանությունը, ասենք՝ լինելով վարչապետ: Գրում է
«Հայկական Ժամանակ»-ը:
Այս համատեքստում, ըստ մամուլի հրապարակումների, առավել հավանական թեկնածուներ են համարվում գործող վարչապետ Տիգրան Սարգսյանը եւ Մեծ Բրիտանիայում ՀՀ արտակարգ եւ լիազոր դեսպան Արմեն Սարգսյանը: Իշխանական կուլիսներում տեղի ունեցող պրոցեսներին քաջատեղյակ մի աղբյուր, որ հասկանալիորեն ցանկացել է գաղտնի մնալ, մեր թղթակցի հետ զրույցում զարմացել է, թե ինչպես լրագրողները չեն նկատում անգլիական թագուհու դերի ամենահարմար հավակնորդին. խոսքը ՍԴ նախագահ Գագիկ Հարությունյանի մասին է:
2018 թվականին նա կլինի 70 տարեկան, որից հետո չի կարող այլեւս մնալ ՍԴ նախագահի պաշտոնում: Ըստ մեր աղբյուրի, իշխանության մեջ քիչ չեն մարդիկ, ովքեր կարծում են, որ 70-ամյա Գագիկ Հարությունյանը շատ հարմար թեկնածու է նախագահական նստավայրում ծերության հնգամյա ժամկետ անցկացնելու եւ Սերժ Սարգսյանին չխանգարելու համար:
Մանրամասները` թերթի այսօրվա համարում:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
