Դեռ չծնված՝ Մաքսային միությունն օրորոցում խեղդվում է

Դեռ չծնված՝ Մաքսային միությունն օրորոցում խեղդվում է. ՄՄ անդամ Ղազախստանում «թենգեն»՝ ղազախական փողը, խոր դեւալվացիա է ապրում ռուսական ռուբլուն զուգահեռ: Գրում է «Հրապարակ»-ը:

Ինչպե՞ս է ղազախական «գործընթացները» մեկնաբանում ֆինանսների «հայր» Դավիթ Սարգսյանը: «Չէի ցանկանա մեկնաբանել,- ասաց նա,- մենք դեռ սպասում եւ հետեւում ենք, թե ինչ զարգացումներ կլինեն ֆինանսական շուկայում, հիմա դժվար է որեւէ բան ասել, որովհետեւ բոլոր զարգացող երկրներից էլ տեղի է ունենում կապիտալի մեծ արտահոսք՝ եւ Ղազախստանից, եւ Թուրքիայից, եւ Ռուսաստանից»: Թուրքիան ասացիք, որ շեղե՞ք Մաքսային միությունից:

«Ոչ, դրա համար չէ, այլ որ զարգացող երկրներից իսկապես տաք փողերը հոսում են դեպի զարգացած երկրներ»: Բա թող սառեցնեն՝ չհոսի: ««Տաքն ու հոսքը» մասնագիտական տերմիններ են. հոսքն էլ է պայմանավորված նրանով, որ զարգացած երկրներում տոկոսադրույքների բարձրացման սպասումներ կան»: Մի խոսքով, Մաքսային միությունը պայթյունի եզրին է: «Իհարկե ոչ»: Իսկ Հայաստանում ի՞նչ վիճակ է կապիտալի եւ «տաք» հոսքերի առումով: «Մեզ մոտ կապիտալի եւ դեւալվացիայի երեւույթներ չկան»:

Որովհետեւ արդեն իսկ «սաղ» արտահոսել է՝ դրա՞ համար: «Ո՛չ, երկրի մակրոտնտեսական վիճակն այս պահին կայուն է՝ դրա համար»: Ե՞րբ կլինի «հոսքը»: «Չի՛ լինի»: Նկատենք, սակայն, որ վերջին օրերին դոլարի կուրսը դրամի համեմատ աճել է:

Մանրամասները` թերթի այսօրվա համարում: