ԱՄՆ-ի հարավում ձյան տեղումների հետևանքով զոհվածների թիվը հասել է 11-ի
ԱՄՆ
ԱՄՆ-ի հարավային և հարավարևելյան շրջաններում 11 մարդ է զոհվել անբարենպաստ եղանակով պայմանավորված ճանապարհատրանսպորտային պատահարների հետևանքով: Այդ մասին հաղորդել է Associated Press գործակալությունը:
CNN հեռուստաալիքի տվյալներով՝ մեկ մարդ ավտովթարից զոհվել է Վիրջինիայի նահանգում, երկուական բնակիչներ՝ Ջորջիայում և Հյուսիսային Կարոլինայում:
ԱՄՆ-ում ձյան առատ տեղումների պատճառով արդեն ավելի քան 500 հազար մարդ մնացել է առանց լույսի: Փետրվարի 12-ին Նյու Ջերսիի և Թենեսիի նահանգների իշխանությունները հայտարարել են արտակարգ դրության ռեժիմ մտցնելու մասին:
Առավել ծանր իրավիճակ է ստեղծվել Ջորջիայում, որտեղ առանց լույսի է մնացել 175 հազար սպառող: Նախօրյակին ԱՄՆ-ում չեղյալ են հայտարարվել 3 հազարից ավելի ավիաչվերթ:
Օդերևութաբանների տեղեկատվության համաձայն՝ ձյուն է տեղում 16 նահանգում՝ Տեխասից մինչև Նյու Ջերսի, որտեղ ավելի քան 90 մլն մարդ է բնակվում: Ինչպես սպասվում է, լույս փետրվարի 13-ի գիշերը ցիկլոնը կհասնի Նյու Յորքի նահանգ:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
