Պոլսահայ երգչուհի Սիբիլի տեսահոլովակը կցուցադրվի թուրքական հեռուստաալիքով (տեսանյութ)

Թուրքական ռադիո և հեռուստատեսային եթերը զբաղեցրած հանրամատչելի երաժշտության և արվեստի բնագավառում ունեցած կորուստներին արած անդրադարձում, թուրք սյունակագիր Հաքան Չելիքը խոսել է երգարվեստի և երաժշտարվեստի մոռացված արժեքավոր գործերի վերակենդանացման և հանրայնացման անհրաժեշտության մասին: Այս մասին հաղորդում է թուրքական «Փոստա» թերթը:

«Կորած երաժշտություն, մոռացված երգեր» կոչված հոդվածում Չելիքը կարևորում և արժեվորում է այդ բնագավառում պոլսահայ հայտնի երգչուհի Սիբիլի ունեցած ներդրումը:

Նա նշել է, որ այդ ոլորտում կարևոր իրադարձություն է Սիբիլի' օրերս Ստամբուլում թողարկված' «Սեր» կոչված ալբոմը, որտեղ տեղ են գտել նաև թուրքահայ անվանի երգահան Մաժակ Թոշիկյանի որոշ ստեղծագործություններ:

Չելիքը տեղեկացրել է, որ օրերս լույս է տեսել ալբոմում ներառված «Այս գիշեր» երգի տեսահոլովակը, որն առաջին անգամ այսօր ցուցադրվելու է CNNTurk հեռուստաալիքով: