Սերժ Սարգսյանը պատասխանեց իր բոլոր չարախոսողներին, չկամներին

Ես հասկանում եմ, որ մարդիկ չեն սիրում, երբ իրենց քննադատում են: Ինչքան էլ այդ քննադատությունը ճշմարիտ լինի ու մեղմ: Ես հասկանում եմ, որ մարդկանց դուր չի գալիս, երբ իրենց սխալները մատնացույց են անում: Որքան էլ այդ սխալները ցցուն լինեն եւ հանրային շահին հակասող: Ես նաեւ հասկանում եմ, որ քննադատողին ոչ ոք չի սիրում, ոչ ոք չի ներում: Բայց սա փոքր մարդկանց է վերաբերում, մեծ սիրտ, մեծ անելիք ու մեծ առաքելություն ունեցող մարդիկ մեր՝ շարքային մահկանացուներիս նման չպետք է ապրեն ու մտածեն: Գրում է «Հրապարակ» -ը:

Երկրի մտավորականներին, իշխանավորներին, նախագահներին պատիվ չի բերում նեղմիտ ու քինախնդիր լինելը: Նախօրեին Երկրապահ կամավորականների համագումարում ունեցած ելույթն ու հաջորդիվ՝ հարցուպատասխանը հենց դրանով էին ուշագրավ, որ ցուցադրեցին, թե երկրի նախագահն ինչպես է վերաբերվում իրեն քննադատողներին եւ ընդհանրապես՝ քննադատությանը: Հատառհատ հիշվեցին իշխանության հասցեին ասված բոլոր խոսքերն ու հանդիմանությունները: Կետառկետ պատասխան հնչեց՝ ուղղված չարախոսողներին, թշնամիներին, չկամներին: Պարզվեց՝ երկրի առաջին դեմքն անչափ գոհ է մեր տնտեսական վիճակից, տագնապած չէ արտագաղթից, հիացած է կենսաթոշակային բարեփոխումներով, վստահ է, որ ճիշտ ուղու վրա ենք, որ կրթական համակարգում ոչ մի կրճատումներ չկան, որ մեզ խանգարողը նվնվացողներն ու ծնկներին խփողներն են:

Միակ մտահոգությունը, կարծեմ, ներդրումների կրճատման հետ էր կապված, այն էլ միջազգային տնտեսական գործընթացների արդյունք է եւ շտկելի հանգամանք: Շուտով ձկնարդյունաբերությունը կզարգացնենք, «Նաիրիտը» կգործարկենք, կուտակայինից երկար փողեր կունենանք, եւ ամեն ինչ կլինի «օքեյ»: Բայց հարց է ծագում՝ ինչո՞ւ մի ողջ հանրույթ չի հավատում այս ամենին եւ համակարծիք չէ նրա հետ:

Մանրամասները` թերթի այսօրվա համարում: