Իշխանությունը Սերժ Սարգսյանի գլխավորությամբ այլևս չեն տիրապետում երկրում ստեղծված իրավիճակին

Սերժ Սարգսյանի վերջին ելույթները, թերևս, վկայում են մեկ բանի մասին. իշխանություններն իր գլխավորությամբ այլևս չեն տիրապետում երկրում ստեղծված իրավիճակին: Գրում է «Ժողովուրդ»-ը:

Հավանաբար սա է պատճառը, որ Ս. Սարգսյանն իր վերջին ելույթներում պարզապես սկսել է աջուձախ մեղադրանքներ հնչեցնել, բայց ոչ թե իր յուրայինների, ոչ թե իշխանության ներկայացուցիչների, այլ իշխանությունից դուրս գտնվողների հասցեին: Այս առումով հերթական փայլատակումը եղավ ԵԿՄ համագումարի ժամանակ. օրինակ՝ գազային համաձայնագրերը քննադատողներին նա ասել է. «Որևէ մեկը, որ այդ տարբեր հարթակներում խոսում է ԱԺ-ից մինչև Օպերայի հրապարակ, եթե կարող է գնալ բանակցել ռուսական կողմի հետ եւ ավելի էժան ու ավելի լավ պայմաններով գազ բերել, խնդրեմ, թող գնա անի, թող բերի»: Այսքանից հետո Ս. Սարգսյանի ամենատրամաբանական քայլը կլիներ հրաժարականը. հեռանալով իշխանությունից՝ նա բանակցություններ վարելու հնարավորություն կընձեռեր ուրիշներին: Այլապես այս ամենը նմանվում է քամի տատանելու:

Մանրամասները` թերթի այսօրվա համարում: