Բակո Սահակյանը հետևել է ՊԲ նոր ուսումնական շրջանի առաջին պարապմունքներին

Պաշտպանության բանակում սկսվել է նոր ուսումնաշրջանը, որի մեկնարկային գործընթացներին և առաջին պարապմունքներին հետևել է նաև ԼՂՀ նախագահ Բակո Սահակյանը:

ՊԲ հրամանատար, գեներալ-լեյտենանտ Մովսես Հակոբյանի ուղեկցությամբ` լինելով հյուսիսարևելյան ուղղությամբ տեղակայված զորամասերից մեկում, զինված ուժերի գերագույն գլխավոր հրամանատարը հետաքրքրվել է իրականացվող միջոցառումներով, ծանոթացել անձնակազմի իրային ունեցվածքին, ներկա պաշտոնատար անձանց տվել դրանք և ընդհանրապես բոլոր զինծառայողների սոցիալ-կենցաղային պայմանները բարելավելու հանձնարարականներ: