Թուրք մարզիչը ցանկանում է իր թիմում տեսնել հայազգի ֆուտբոլիստ Արաս Օզբիլիսին

Հայաստանի ազգային հավաքականի ֆուտբոլիստ Արաս Օզբիլիսը շարունակում է մնալ թուրքական ֆուտբոլային ակումբների ուշադրության կենտրոնում: Թուրքական Haberler.com-ը տեղեկացնում է «Ֆեներբահչե» ակումբի գլխավոր մարզիչ Էրսուն Յանալի' Օզբիլիսին իր թիմի կազմում տեսնելու մտադրության մասին:

Թուրքական լրատվամիջոցը գրում է, որ Յանալը ցանկանում է իր գլխավորած ֆուտբոլային ակումբն արժանացնել չեմպիոնի տիտղոսին և այդ նպատակով մտածում է թիմը համալրել նոր երիտասարդ խաղացողներով: