Ընդդիմությունը պատրաստ է ձևավորել նոր կառավարություն. Կլիչկո

Ընդդիմությունը պատրաստ է Ուկրաինայում նոր կառավարության ձևավորելու պատասխանատվություն ստանձնել, սակայն նախագահ Յանուկովիչը պետք է անցկացնի նախագահական արտահերթ ընտրություններ:

«Մենք պատրաստ ենք ձևավորելու նոր կառավարություն. Ես այս հայտարարությունն անում եմ ամենայն պատասխանատվությամբ»,-հայտնել է Ուկրաինայի «ՈւԴԱՌ» ընդդիմադիր կուսակցության առաջնորդ Վիտալի Կլիչկոն՝ Գերագույն ռադայում բրիֆինգի ժամանակ:

Ըստ նրա` երկրում ստեղծված ճգնաժամային իրավիճակից դուրս գալու համար Ուկրաինայի նախագահը պետք է անցկացնի արտահերթ ընտրություններ: