Հայաստանի ռուսական ռազմակայանում վարորդների վերապատրաստում է անցկացվում անօդաչու թռչող ապարատների հսկողության ներքո

Հայաստանում տեղակայված ռուսասկան ռազմակայանում վարորդների եւ մեխանիկ-վարորդների հետ մարտավարական-հատուկ պարապմունքներ անցկացնելու եւ ավտոմոբիլային ու զրահատանկային տեխնիկայով բազմակիլոմետրանոց ռազմերթեր կատարելու ընթացքում առաջին անգամ սկսել են կիրառել «Նավոդչիկ-2» նորագույն համալիրը, որի մեջ մտնում են անօդաչու թռչող ապարատներ:

Սույն նորամուծությունը տեխնիկայի վարման պարապմունքների ղեկավարներին թույլ կտա ռազմերթերի ընթացքում շտկումներ կատարել ուսուցվող զինծառայողների երթուղում:

Ռուսաստանի ռազմակայանի տեղաբաշխման շրջանում ավտոճանապարհային ցանցն անցնում Է ծովի մակերեւույթից 1600 – 2500 մետր բարձրության վրա, ինչը վարորդներից ու մեխանիկ վարորդներից պահանջում է մեծ վարպետություն եւ ուշադրություն, ըստ որում շարասյուների տեղաշարժերը գրանցվում են «Գրանտ-1» անօդաչու թռչող ապարատների տեսախցիկների միջոցով եւ ապա հրահանգիչների կողմից արդյունքների ամփոփման ժամանակ քննարկվում մասնագիտացված դասարաններում:

Ընդամենը, վերապատրաստման պարապմունքներում ներգրավված Է բոլոր կատեգորիաների ավելի քան 800 վարորդ եւ շուրջ 300 միավոր ավտոմոբիլային եւ զրահատանկային տեխնիկա:

Զինծառայողները ռազմերթի ընթացքում նաեւ հաղթահարում են պայմանականորեն վարակված տեղանքն ու արգելքները անհատական եւ կոլեկտիվ պաշտպանության միջոցներով, դիմագրավում պայմանական հակառակորդի օդուժի հարվածները: