Ուկրաինայի Գերագույն ռադայի խոսնակի առողջական դրությունը կտրուկ վատացել է

Ուկրաինայի Գերագույն ռադայի խոսնակ Վլադիմիր Ռիբակը փետրվարի 18-ին հիպերտոնիկ կրիզ է տարել: Այս մասին հայտնում է Украинская правда-ն: Ըստ վերջինիս տվյալների՝ խորհրդարան Է ժամանել «շտապօգնությունը», բժիշկները զննում են Ռիբակին:

Այս տեղեկատվությունը հավաստել է արտախմբակցային պատգամավոր Իննա Բոգոսլովսկայան:

Ըստ պատգամավորների տվյալների՝ խոսնակի ինքնազգացողությունը վատացել է խորհրդարանական խմբակցությունների ղեկավարների հետ այսօր կայացած խորհրդակցությունից հետո, որտեղ ընդդիմադիրները պահանջել են գրանցել 2004 թվականի Սահմանադրությունը վերադարձնելու որոշումը:

Ավելի վաղ Գերագույն ռադայի փոխխոսնակ Ռուսլան Կոշուլինսկին լրագրողներին հավաստել է, որ Ուկրաինայի խորհրդարանում գրանցվել է երկրում 2004 թվականի Սահմանադրության գործողության վերականգնման որոշման՝ ընդիմադիր նախագիծը: «Գրանցում կա»,- հայտարարել է նա: