Կիևի ցուցարարները գրոհի արդյունքում գրավել են Սպայի տունը

Ինչպես հայտնում է Украинская правда-ն, Ուկրաինայի մայրաքաղաք Կիևում ցուցարարները գրավել են Սպայի տունը: Այս մասին Facebook սոցիալական ցանցի իր էջում գրել է «Բատկիվշչինա» ընդդիմադիր խմբակցության պատգամավոր Ալեքսանդր Բրիգինեցը:

Այսօր Ուկրաինայի ընդդիմության կողմնակիցներն առավոտյան հավաքվել են Գերագույն ռադայի շենքի մոտ՝ պահանջելով վերադարձնել 2004թ. Սահմանադրությունը: Սակայն ակտիվիստներին թույլ չեն տվել մոտենալ խորհրդարանի շենքին, ինչի արդյունքում բախումներ և անկարգություններ են սկսվել:

Ցուցարարները շարունակում են պայքար-գրոհը՝ բացելու համար Գերագույն ռադայի շենք տանող ճանապարհը: