Ուկրաինայի հատուկջոկատայինները շենքերի տանիքներից կրակում են ցուցարարների վրա (լուսանկարներ, տեսանյութ)

Ուկրաինայի հատուկ նշանակության ջոկատների աշխատակիցները լուսաձայնային նռնակներ են նետում Շելկովիչնայա փողոցի շենքի տանիքից: Այս մասին հայտնում է UNIAN-ը՝ վկայակոչելով ЛІГАБізнесІнформ-ը:

Իրավապահները 5-հարկանի շենքի տանիքից նռնակներ են նետում ցուցարարների վրա, որոնք հավաքվել են Շելկովիչնայա փողոցում՝ դեպի խորհրդարան տանող ճանապարհը փակած բեռնատարների մոտ:

Որոշ ցուցարարներ փորձել են բարձրանալ շենքերի տանիքներ՝ հակահարված տալու նպատակով, սակայն նրանց ուղղությամբ կրակ են բացել հատուկջոկատայինները: