«Հրապարակ». ժամանակավոր հանձնաժողովի իմաստը կառավարության դեմ 4 ուժերի անվստահության գործընթացը վիժեցնելն է

ՀՀԿ-ի կողմից խորհրդարանական ժամանակավոր հանձնաժողով ստեղծելու մասին որոշումը Հովիկ Աբրահամյանը «պոկել» է Սերժ Սարգսյանին Սոչի` օլիմպիադա ճանապարհելիս: Սերժ Սարգսյանն ուշադիր լսել է նրա արգումենտները, ապա ասել` «արեք»: Արգամիչը «շնչակտուր» հասել է ԱԺ ու հայտարարել այդ մասին: Գրում է «Հրապարակ»-ը:

Ըստ թերթի աղբյուրների, ժամանակավոր հանձնաժողովի իմաստը ոչ միայն ԱԺ հեղինակությունը «բարձրացնելն» է, այլեւ կառավարության դեմ 4 ուժերի անվստահության գործընթացը վիժեցնելը, քանի որ ԱԺ ընդդիմադիրները Հովիկ Աբրահամյանի հետ «շատ լավ» են: Գազային հանձնաժողովը ձեռնտու է իշխանություններին բոլոր առումներով. փողոցում թափ հավաքող, Մայդանի հեռանկար ունեցող բողոքի «ակցիաները» պառլամենտում պարպելու, օդ բաց թողնելու նպատակով: Դրան կնպաստի նաեւ այն, որ ԲՀԿ առաջարկով իրենցից, որպես ամենամեծ ֆրակցիա, 2 ներկայացուցիչ է ընդգրկվել, ինչի արդյունքում հանձնաժողովում իշխանության եւ ընդդիմության ձայները հավասարվել են' 5-5:

Մանրամասները` թերթի այսօրվա համարում: