ԱԺ ոչ իշխանական ուժերը չեն կարողանում համաձայնության գալ կառավարությանն անվստահություն հայտնելու հարցում
ԱՐԽԻՎ
Ազգային ժողովի ոչ իշխանական 4 խմբակցությունները դեռևս քննարկում են կառավարությանն անվստահություն հայտնելու հարցը: Նրանք այդ հարցում դեռևս վերջնական համաձայնության չեն եկել: Խորհրդարանում ոչ իշխանական ուժերի համատեղ խորհրդակցությունից հետո լրագրողների հետ զրույցում ԱԺ ՀՅԴ խմբակցության ղեկավար Արմեն Ռուստամյանը նշեց, որ կառավարությանն անվստահություն հայտնելու հարցը դեռևս քննարկման փուլում է և այս քառօրյայի ընթացքում քննարկման չի դրվի: «Մենք այս պահին քննարկում ենք այդ հարցը, հստակեցնում ենք մեր մարտավարական քայլերը»,-նշեց Ռուստամյանը:
Նա դժվարացավ պատասխանել, թե կառավարության անվստահության հարցը երբ կներկայացվի խորհրդարանի քննարկմանը' նշելով միայն, որ քննարկումները դեռևս շարունակվում են և, հնարավոր է, մյուս քառօրյայի ընթացքում էլ այդ հարցը չդրվի քննարկման:
Ազգային ժողովի ոչ իշխանական խմբակցությունները նախորդ քառօրյայի ավարտից հետո քննարկումներ են անցկացնում կառավարությանն անվստահություն հայտնելու համատեղ նախաձեռնության վերաբերյալ: Չնայած քննարկումներին՝ նրանց դեռևս չի հաջողվել վերջնական համաձայնության գալ այս հարցում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
