«Հրապարակ». Ռեկտորը դեմ է «Դեմ եմ»-ին

Ճարտարագիտական համալսարանի մոտ «Դեմ եմ» նախաձեռնության կողմից բողոքի ակցիայի իրազեկման ժամանակ ռեկտոր Արա Ավետիսյանը հորդորել է. «Դուք խանգարում եք դասապրոցեսը, ճիշտ է՝ բուհում այս պահին դասամիջոց է, բայց վարժարանում դաս է, ձեր իրազեկումն արեք առանց բարձրախոսի»։ Գրում է «Հրապարակ» օրաթերթը:

Լրագրողի հարցին, թե դրոշակներ պահելն է՞լ է խանգարում դասապրոցեսին, Ավետիսյանը նշել է, որ դա էլ ուսանողների ուշադրությունն է շեղում։ Ռեկտորին հարցրել են՝ ինքը կո՞ղմ է պարտադիր կուտակային օրենքին։ «Միայն կարող եմ ասել, որ եթե կառավարությունն այդպիսի օրենք է ընդունել, ուրեմն ժողովրդին օգուտ է,-ասել է ռեկտորն ու արդարացել:-Դասախոսների աշխատավարձերից 5% պահումներն արել եմ, բայց, որպեսզի այդ բացը լրացվի, հավելավճարներ եմ տվել։ Չեմ ուզում, որ բուհում այդ առումով բողոքի ձայն բարձրանա, քանի դեռ օրենքը լիարժեք չի ընդունվել»:

Մանրամասները` թերթի այսօրվա համարում: