Կապանի մարմնամարզության մանկապատանեկան մարզադպրոցը ջեռուցման խնդիր ունի

Ավելի քան 120 սան ունեցող Կապանի մարմնամարզության մանկապատանեկան մարզադպրոցում ձմռան ամիսներին երեխաների հաճախելիությունը զգալիորեն նվազում է: Դպրոցը չի ջեռուցվում: «Անցած տարի մարզադպրոցում իրականացվել են լայնածավալ շինաշխատանքներ, ինչը, ֆինանսների առկայության դեպքում, ծրագրել ենք շարունակել: Դրա արդյունքում ավարտին կհասցվի մարզադահլիճի ներքին հարդարումը, նաեւ կկառուցվի նոր կաթսայատուն եւ կլուծվի դպրոցի ջեռուցման խնդիրը», - տեղեկացրեց Կապանի քաղաքապետարանի քաղաքաշինության բաժնի պետ Արմեն Ստեփանյանը' նշելով, որ այդ աշխատանքների իրականացումը հնարավորություն կտա մաժամանակ լուծել նաեւ մարզադպրոցի հարեւանությամբ գտնվող արվեստի դպրոցի ջեռուցման խնդիրը: Ըստ բաժնի պետի, Կապանի մարմնամարզության մանկապատանեկան մարզադպրոցը նորոգվել է անցած տարի, ինչի համար ներդրվել է 21 մլն դրամ: Ամբողջովին փոխվել են դռները, պատուհանները, քանդվել են վթարային վիճակում գտնվող պատե րը եւ նոր հիմքերի վրա կառուցվել դպրոցի հանդերձարանների, սանհանգույցների եւ ցնցուղարանների նոր պատեր՝ ապահովելով դպրոցի սաների անվտանգությունը: Նորոգվել են նաեւ դպրոցի մարզասենյակները՝ սալիկապատվել պատերը եւ հատակը:

Այս ծրագիրը քաղաքապետարանն իրականացրել է «Քաունթերփարթ ինտերնեշնլ» կազմակերպության հետ համատեղ ֆինանսավորմամբ: