«ՀԺ». Արտաշես Գեղամյանը բավական անհարմար վիճակում է հայտնվել

Եվրոպայի անվտանգության և համագործակցության կազմակերպության խորհրդարանական վեհաժողովի (ԵԱՀԿ ԽՎ) հայկական պատվիրակության ղեկավար Արտաշես Գեղամյանը ԽՎ վերջին նիստերից մեկում բավական անհարմար վիճակում է հայտնվել:

Գեղամյանը, որ վերջին շրջանում սովորաբար անբաժան է իր ipad-ից, ԵԱՀԿ ԽՎ նիստերի ժամանակ դրանով տեսագրում է իր ելույթները, որոնք հետո փոխանցում է պետական լրատվամիջոցներին: Եվ ահա նիստերից մեկում, երբ նա սկսել է իր ելույթը, սարքը խափանվել է: Գեղամյանի ռուսերեն ելույթի ժամանակ եվրոպացի պատգամավորները ցուցադրաբար նետել են ականջակալներն ու հեռացել, ռուս պատգամավորները կիսահեգնական տոնով սկսել են «բալետ» անել Գեղամյանին` « давай, давай, Армения», իսկ ադրբեջանական պատվիրակության ղեկավար, Միլլի մեջլիսի փոխնախագահ Բահար Մուրադովան կողքից հուշել է. «ipad-դ միացրու, րոպեներդ գնում են…»: Սույն դառը փորձից հետո Գեղամյանն այժմ ԵԱՀԿ նիստերին գնալիս 2 օպերատոր է տանում` Հ1-ից և իր կուսակցությունից: Բայց վերջին նիստում էլ, երբ նա չի կարողացել ելույթ ունենալ, մեր պատվիրակության անդամները Գեղամյանի դռան ետևից լսել են, որ նա իր սենյակում բարձրաձայն ընթերցում է ելույթը և, ենթադրվում է, կրկին ipad-ով նկարում:

Շարունակությունը` «Հայկական Ժամանակ»-ի այսօրվա համարում: