«Քաղաքացիական պայմանագրի» հոգաբարձուների խորհրդի նախագահ է ընտրվել
Հայաստան
«Քաղաքացիական պայմանագիր» վերադարձի հիմնադրամի կանոնադրության համապատասխան, ձեւավորվել է Հոգաբարձուների խորհուրդ հետեւյալ կազմով. Լարա Ահարոնեան (Կանանց ռեսուրսային կենտրոնի համահիմնադիր, ղեկավար), Հայկակ Արշամյան (պատմական գիտությունների թեկնածու), Լեւոն Բաղրամյան (տնտեսագետ, քաղաքագետ Վաշինգտոն, ԱՄՆ), Արթուր Իսպիրյան (երաժիշտ), Լեւոն Հովսեփյան (տնտեսագետ), Արա Շիրինյան (ռեժիսոր), Մարո Մաթոսյան (Կանանց աջակցման կենտրոնի տնօրեն, Նյու Յորք, ԱՄՆ), Էդգար Մանուկյան (տնտ. գիտ. թեկնածու, Տորոնտո, Կանադա), Սարգիս Քլոյան (ձեռներեց):
Հիմնադրամի նպատակն է համակարգել «Քաղաքացիական պայմանագիր» նախաձեռնության ֆինանսավորումը: Հիմնադրամի հոգաբարձուների խորհուրդը վերահսկողություն է իրականացնելու «Քաղաքացիական պայմանագրին» նվիրաբերված գումարների ծախսման նկատմամբ եւ անկախ է Քաղաքացիական պայմանագրի կառավարման խորհրդից:
Սույն թվականի, փետրվարի 22-ին տեղի ունեցած նիստում Հոգաբարձուների խորհրդի նախագահ ընտրվեց Հայկակ Արշամյանը:
Հիմնադրամի տնօրեն է նշանակվել Հակոբ Սիմիդյանը:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
