Սոչիի 22-րդ ձմեռային օլիմպիական խաղերը ավարտվեցին

Ավարտվեցին Սոչիի 22-րդ ձմեռային օլիմպիական խաղերը:

Սոչիի 2014 թվականի խաղերի ընթացքում խաղարկվեց 98 մեդալի հավաքածու: Այս ձմեռային խաղերին մասնակցեց ավելի քան 2800 մարզիկ 88 երկրից:

Սոչին գերազանցում է 2010 թվականի Վանկուվերի խաղերին երկրների մասնակցությամբ: Կանադայի Վանկուվեր քաղաքում կայացած Օլիմպիական խաղերին մասնակցել են 82 երկրի մարզիկներ:

Թիմային հաշվարկում առաջատարը Ռուսաստանն է, որը իր ակտիվում գրանցեց 33 մեդալ (13 ոսկի, 11 արծաթ, 9 բրոնզ):

Ռուսաստանը դարձավ 4-րդ երկիրը, որը հաղթել է «տնային» Ձմեռային օլիմպիադայում: Դա հաջողվել է ԱՄՆ-ին` Լեյք Պլեսիդ` 1932թ., Նորվեգիային` Օսլո, 1952թ., և Կանադային (Վանկուվեր, 2010թ.):

Ոսկե մեդալների քանակով երկրորդ տեղում Նովեգիան է ( 11 ոսկի, 5 արծաթ, 10 բրոնզ): Լավագույն եռյակը եզրափակում է Կանադան (10 ոսկի 10 արծաթ 5 բրոնզ):

Մեդալային հաշվարկ

1 Ռուսաստան -13 - 11 - 9 ընդհանուր՝ 33
2 Նորվեգիա - 11 -5 - 10 ընդհանուր՝ 26
3 Կանադա - 10 - 10 -5 ընդհնաուր՝ 25
4 ԱՄՆ -9 -7 -12  ընդհանուր՝ 28
5 Հոլանդիա - 8  -7 - 9 ընդհանուր 24
6 Գերմանիա - 8 - 6 - 5 ընդհանուր՝ 19
7 Շվեյցարիա - 6 - 3  -2 ընդհանուր՝ 11
8 Բելառուս - 5  -0  -1  ընդհանուր՝ 6
9 Ավստրիա - 4  -8 - 5 ընդհնաուր՝ 17
10 Ֆրանսիա - 4 - 4  -7 ընդհանուր՝ 15

Նշենք, որ այսօր Երևանի ժամանակով 20:00-ին տեղի կունենա խաղերի փակման հանդիսավոր արարողությունը: