Ռուսաստանը չպետք է ռազմական միջամտություն ունենա Ուկրաինայում ստեղծված իրավիճակի հարցում. ԱՄՆ

ԱՄՆ-ի նախագահ Բարաք Օբամայի՝ ազգային անվտանգության հարցերով խորհրդական Սյուզան Ռայսը հայտարարել է, որ Ուկրաինայում ստեղծված իրավիճակում Ռուսաստանի ռազմական միջամտությունը լուրջ սխալ կլիներ։ Այս մասին հայտնում է Украинская правда-ն՝ վկայակոչելով «Радио Свобода»-ին:

«Ո՛չ Ուկրաինան, ո՛չ Ռուսաստանը, ո՛չ Եվրամիությունը, ո՛չ էլ ԱՄՆ-ն չի ցանկանում տեսնել բռնության վերադարձն ու իրադրության սրումը»,-ընդգծել է նա։

Ռայսը հավելել է, որ Ռուսաստանի հետ բազմամյա պատմական ու մշակութային կապեր ունեցող Ուկրաինային ոչինչ չի խանգարում Եվրոպայի հետ առավել սերտ ինտեգրվելու համար։