Լոնդոնը պատրաստ Է ֆինանսական օգնություն ցույց տալ Կիևին
Աշխարհ
Մեծ Բրիտանիան Արևմուտքի մյուս երկրների հետ պատրաստ է ֆինանսավորել Ուկրաինայի օգնության փաթեթը: Այս մասին հայտարարել է Մեծ Բրիտանիայի ֆինանսների նախարար Ջորջ Օսբոռնը, որի խոսքը հրապարակել Է The Daily Telegraph-ը:
Պաշտոնյան չի հայտնել այն գումարը, որը Մեծ Բրիտանիան, մյուս երկրները, ինչպես նաև միջազգային ֆինանսական կազմակերպությունները պատրաստ են տրամադրել Ուկրաինային:
«Ամենագլխավոր առաջնահերթությունը քաղաքական կայունությունն է և կարգուկանոնի վերականգումը Կիևի փողոցներում և մյուս քաղաքներում»,- հայտարարել է Օսբոռնը Սիդնեյում, որտեղ նա մասնակցել Է «ֆինանսական քսանյակի» նիստին:
«Սակայն ես կարծում եմ, որ «քսանյակը» պետք է հասկանալ տա, և այնպիսի երկրներ, ինչպիսիք են Մեծ Բրիտանիան, ԱՄՆ-ն և այլ երկրներ պետք է պարզորոշ հասկանալ տան, որ միջազգային օգնությունը, ֆինանսական օգնությունը ցույց կտրվի Ուկրաինայի ժողովրդին, և որ Արժույթի միջազգային հիմնադրամի կամ Եվրամիության միջոցով մենք պետք է պատրաստ լինենք օգնելու այդ երկրին, հենց որ կազմվի ճանաչված և օրինական իշխանություն, որի հետ մենք կարողանանք գործ ունենալ»,-նշել է Օսբոռնը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
