«Արսենալն» Իսկոյի համար 36 մլն է առաջարկում

«Ռեալի» կենտրոնական 21-ամյա կիսապաշտպան Իսկոն հայտնվել է Լոնդոնի «Արսենալի» ուշադրության կենտրոնում: Այս մասին տեղեկացնում է  Fichajes-ը:

Իսպանացու ձեռբերումը կլինի անգլիական ակումբի գլխավոր նպատակը ամառային տրասֆերային պատուհանի ժամանակ:

«Արսենալը» պատրաստ է Իսկոյի տեղափոխության համար վճարել 36 մլն եվրո: Սակայն իսպանական կողմը դեռևս մտադիր չէ սկսել բանակցությունները:

Ընթացիկ մրցաշրջանում Իսկոն մասնակցել է Իսպանիայի առաջնության 19 խաղի հեղինակել 7 գոլ և կատարել 4 արդյունավետ փոխանցում: