Եվրահանձնաժողովի անդամ Օլի Ռենը չի բացառում Ուկրաինայի անդամակցումը Եվրամիությանը
Արտաքին Քաղաքական
Ուկրաինան ապագայում կարող է հնարավորություն ստանալ անդամակցելու Եվրամիությանը, հայտարարել է Եվրահանձնաժողովի տնտեսական հարցերի պատասխանատու Օլի Ռենը:
«Մենք գտնվում ենք պատմական քառուղիում, և Եվրոպան պետք է ԵՄ-ին Ուկրաինայի անդամակցության հնարավորություն ընձեռի միջնաժամկետ կամ երկարաժամկետ հեռանկարում, եթե Կիևը համապատասխանի անդամակցման պայմաններին»,- ասել է Ռենը` Սիդնեյում, որտեղ տեղի է ունենում G20-ի երկրների ֆինանսների նախարարների հանդիպումը:
Ըստ բրիտանական Guardian թերթի տվյալների՝ Ռենը նաև նշել է, որ ԵՄ-ն պատրաստ է զգալի ֆինանսական օգնություն ցույց տալ Ուկրաինային այն բանից հետո, երբ այնտեղ կազմվի նոր կառավարություն:
Ռենը դարձել է Եվրամիության առաջին բարձրաստիճան ներկայացուցիչը, որն անցյալ տարվա նոյեմբերին Ուկրաինայում ճգնաժամի սկսվելու պահից ի վեր ուղղակիորեն ասել է Եվրամիությանը վերջինիս անդամակցման հնարավորության մասին:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
