Պատրաստ եմ աշխատել Գերմանիայի հավաքականում. Կլոպ

Դորտմունդի «Բորուսիայի» գլխավոր մարզիչ Յուրգեն Կլոպը հայտարարել է, որ ապագայում իրեն պատկերացնում է` որպես Գերմանիայի ազգային հավաքականի գլխավոր մարզիչ: Այս մասին տեղեկացնում է գերմանական մամուլը:

«Ներկա պահին չեմ մտածում այդ մասին, իսկ ընդհանուր առմամբ այդ աշխատանքն ինձ հետաքրքիր է: Մեծ հաճույքով եմ ապրում Գերմանիայում և մեր երկիրը համարում եմ հիանալի երկիր: Եթե երբևէ իմ ծառայություններով հետաքրքրվի ազագային հավաքականը, ես պատրաստ կլինեմ աշխատել: Սակայն դրա համար որոշ բաներ պետք է համապատասխանեն»,-նշել է Կլոպը: