Ֆրանսուա Ռոշբլուան կոչ է անում ԼՂ հակամարտության կողմերին իրատեսական քայլեր ձեռնարկել

«Ֆրանսիա-Ղարաբաղ» բարեկամության խմբի անդամները մտահոգված են Հարավային Կովկասում խաղաղության հաստատման գործընթացով և ԼՂ հակամարտության կողմերին կոչ են անում իրատեսական և պրագմատիկ քայլեր ձեռնարկել: Ֆրանսիական «Մոնդ» պարբերականում հրապարակված հոդվածում գրել է Ֆրանսիայի ազգային ժողովի անդամ, «Ֆրանսիա-Ղարաբաղ» բարեկամական խմբի և «Ֆրանսիա-Հայաստան» խոհրդարանական խմբի անդամ Ֆրանսու Ռոշբլուան: Ֆրանսիացի օրենսդիրը կողմերին հորդորել է զերծ մնալ սպառնալիքներից, ռազմատենչ հռետորաբանությունից և գործողություններից:

Խորհրդարանականը նկատում է, որ թեև 1994 թվականի մայիսի 12-ին զինադադարի կնքումից անցել է 20 տարի, սակայն ամեն ամիս շարունակվում են բախումները և պատերազմական գործողությունները շփման գծում' ապառնալով խաղաղ բնակիչների և սահմանապահ զինվորների կյանքին:

«Եթե պատերազմն ավարտվել է, ապա ակնհայտ է, որ խաղաղությունը դեռ պետք է նվաճել. կողմերի միջև հասարակ երկխոսության և փոխըմբռման համաձայնագրի բացակայության պայմաններում հրադադարն ավելի քան վտանգավոր է»,-գրում է Ռոշբլուան:

Նրա խոսքով` խաղաղության հաստատման համար պետք է ընդունել եղած փաստերը և կառուցողական, թափանցիկ երկխոսություն վարել: Բազմակողմ կարծիքների արտահայտումը և ժողովրդավար մոտեցումը կարևոր է երկխոսության կայացման համար: «Մենք տեսնում ենք, թե ինչպես է Լեռնային Ղարաբաղը իրական առաջընթաց գրանցել և ուրախ էինք իմանալ, որ Freedom House հասարակական կազմակերպությունը քաղաքացիական իրավունքների և ազատությունների գնահատման իր համաշխարհային գնահատականում այս երկիրը դասել է «մասնակի ազատ» պետությունների շարքում: Եվ լիովին համամիտ ենք ԼՂ նախկի ն նախագահ Արկադի Ղուկասյանի այն դիրքորոշմանը, որ «հակամարտության առարկան ոչ միայն պաշտոնական հրաժարումն է ատելությունից, այլև երկու ժողովուրդների միջև պատմական հաշտության հաստատումը […] ապագա բախումը կանխելու համար, պետք է կապ հասատատել քաղաքացիական հասարակությունների միջև»,-գրել է Ռոշբլուան: