Մարտի 1-ի հետ կապված, եղել են հոդվածներ, ձևակերպումներ, որոնց արդյունքում ընդհանուր հայտարարի չենք եկել. Հովիկ Աբրահամյան
Հայաստան
Մենք ուզում ենք ասել, որ ինքներս պատրաստ ենք յուրաքանչյուր հարցի շուրջ, որն արդիական է և որի հետևանքով հասարակության մոտ կան խնդիրներ, մտահոգություններ, մենք պատրաստ ենք վեր հանել, քննարկել և հանրությանը տեղյակ պահել: Այս մասին այսօր լրագրողների հետ ճեպազրույցում ասաց ԱԺ նախագահ Հովիկ Աբրահամյանն` անդրադառնալով Մարտի մեկի հարցերն ուսումնասիրող ժամանակավոր հանձնաժողով ստեղծելու մասին նախագծին:
«Գլոբալ առումով, մենք պատրաստ ենք քննարկելու, բայց Մարտի մեկի հետ կապված, եղել են հոդվածներ, ձևակերպումներ, որոնց արդյունքում ընդհանուր հայտարարի չենք եկել»,-ասաց Հովիկ Աբրահամյանը և նշեց, որ դա է եղել պատճառը, որ նախորդ անգամ հանձնաժողովը չստեղծվեց: «Իսկ ընդհանուր գաղափարը մեզ համար ընդունելի է»,-ասաց ԱԺ նախագահը:
Վերջինս խոսեց նաև գազի հանձանաժողովի մասին` ասելով. «Ընդդիմության բոլոր առաջարկներն ընդգրկված են այսօրվա նախագծում և կան բազմաթիվ ավելացված հարցերի շրջանակ, որը մենք ենք առաջարկում, որ քննարկվեն: Բայց տեսնում եք բազմաթիվ քննադատություններ կան: Մենք առաջարկում ենք, որ աշխատեն և արդյունքները լինեն արդյունավետ: Մեր նպատակն է, որպեսզի եթե կան չարաշահումներ, վեր հանենք»,-ասաց Հովիկ Աբրահամյանը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
