Մահացել է լեգենդար կիթառահար Պակո դե Լուսիան
Գիտություն և Մշակույթ
Կյանքի 67-րդ տարում սրտի կաթվածից մահացել է ֆլամենկոյի լեգենդար կատարող կիթառահար Ֆրանսիսկո Սանչես Գոմեսը, որն ավելի հայտնի է Պակո դե Լուսիա բեմական անունով: Սրտի տագնապը տեղի է ունեցել Մեքսիկայի Կանկուն քաղաքի լողափին, որտեղ երաժիշտը հանգստանում էր իր թոռների հետ: Այդ մասին գրել է El Mundo թերթը:
Ներկայումս կիթառահարի ազգականները լուծում են նրա մարմինը Իսպանիայի հարավի Ալխեսիրաս քաղաք տեղափոխելու հարցը: Քաղաքագլուխ Խոսա Իգնասիո Լանդալուսեն հայտարարել է, որ Պակո դե Լուսիայի մահն անդառնալի կորուստ Է մշակույթի աշխարհի համար»:
Թեև նրա գրեթե ողջ ստեղծագործությունը կապված Է ֆլամենկոյի հետ, Պակո դե Լուսիան մի շարք աշխատանքներ է ձայնագրել նաև այլ ոճերում, օրինակ՝ ֆլամենկոն միավորելով ջազի կամ բրազիլական ռիթմերի հետ: Երաժշտի ժառանգությունը ներառում է ավելի քան 30 ալբոմ: Դրանցից մեկը՝ "Friday night in San Francisco" (1981) –ը, տարածվել Է ավելի քան 1 միլիոն օրինակով, ինչը եզակի դեպք Է ֆլամենկոյի արտիստի համար:
ԻՏԱՌ-ՏԱՍՍ-ը նշում Է, որ երաժշտի ստացած պարգևների թվում են՝ կիթառով ֆլամենկո նվագելու ազգային մրցանակը, կերպարվեստի բնագավառում վաստակի համար ոսկե մեդալը, Աստուրիայի արքայազնի մրցանակը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
