ԵԱՀԿ նախագահն ԱՄՆ-ին ղարաբաղյան հարցում ակտիվության կոչ է արել
Արտաքին Քաղաքական
Վաշինգտոնում Հելսինկյան հանձնաժողովի առաջ ունեցած ելույթում ԵԱՀԿ գործող նախագահ, Շվեյցարիայի ԱԳՆ ղեկավար Դիդիե Բուրկհալտերը ԱՄՆ-ին կոչ է արել ակտիվություն ցուցաբերել Լեռնային Ղարաբաղի հակամարտության կարգավորման հարցում: Այս մասին հայտնում է ԱՄՆ սենատի պաշտոնական կայքը:
Բուրկհալտերն ասել է, որ ԵԱՀԿ գործող նախագահի պաշտոնն ստանձնելուց հետո իր առաջին հանդիպումներից մեկը եղել է ղարաբաղյան հակամարտության կարգավորման գծով ԵԱՀԿ Մինսկի խմբի համանախագահների հետ տարվա սկզբին հանդիպումը: «Լեռնային Ղարաբաղի հակամարտությունը Եվրոպայում ամենավտանգավորներից է»,-նշել է նա:
Բուրկհալտերը հատուկ նշել է հակամարտության լուծման մեջ միջազգային հանրակցության դերը: «Ես կցանկանայի նաև ընդգծել, որ և' Ղարաբաղում, և′ Վրաստանում ԱՄՆ-ի մասնակցությունն ամենաբարձր մակարդակով օգտակար կլիներ: Միջազգային դերակատարների լիակատար ներգրավվածությամբ կարող են կարգավորվել ձգձգվող հակամարտությունները: Ղարաբաղյան հակամարտության փակուղուց ելք կարելի է գտնել միայն առանցքային խաղացողների կողմից, այնպիսին, ինչպես ԱՄՆ-ն է, մեծ ներգրավվածություն և ուշադրություն ապահովելով»,-հայտարարել է ԵԱՀԿ գործող նախագահը:
Գործող նախագահը տեղեկացրել է, որ ծրագրում է այցելել Հարավային Կովկաս:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
