«Զենիթը» չկարողացավ դիմակայել «Բորուսիային». Հովսեփյան

Հայաստանի հավաքականի և «Զենիթի» նախկին ֆուտբոլիստ Սարգիս Հովսեփյանը մեկնաբանել է Չեմպիոնների լիգայի 1/8 եզրափակիչում «Զենիթի» և «Բորուսիայի» միջև հանդիպումը, որն ավարտվել է դորտմունդցիների հաղթանակով` 4:2 հաշվով:

«Զենիթից» ավելին էի սպասում, նման մակարդակի խաղերում անթույլատրելի են նման կոպիտ սխալները: «Զենիթը» չկարողացավ դիմակայել «Բորուսիայի» ճնշմանը: Կենտրոնական պաշտպանները չէին հասցնում  հասկանալ, թե ինչ է անելու մրցակիցը: Լևանդովսկու համար սա բարդ հանդիպում չէր, այլ մարզում»,-Հովսեփյանի խոսքը մեջբերում է Спорт день за днем-ը: