Յանուկովիչն այսօր կխոսի

Ուկրաինայի նախկին նախագահ Վիկտոր Յանուկովիչը, ում նկատմամբ հետախուզում է հայտարարված ուկրաինացի քաղաքացիների զանգվածային սպանությունների կասկածանքով, մամուլի ասուլիս կտա Ռուսաստանի Դոնի Ռոստով քաղաքում: Այս մասին հայտնում է ria.ru-ն:

Մամուլի ասուլիսը տեղի կունենա ժամը 17.00-ին: 

Ավելի վաղ ռուսական լրատվամիջոցները հրապարակել էին Ռուսաստանի իշխանություններին ուղղված նրա խնդրանքը՝ ապահովել իր անձնական անվտանգությունը։ 

Հիշեցնենք, որ Ուկրաինայի Գերագույն ռադան փետրվարի 22-ին որոշում էր ընդունել մայիսի 25-ին նախագահական արտահերթ  ընտրություններ անցկացնելու մասին։ Յանուկովիչը նախկինում մեկ անգամ արդեն հայտարարել էր, որ շարունակում է մնալ օրենքով ընտրված նախագահ: