Բողոքի ակցիա ՀՀԿ-ի գրասենյակի մոտ. քաղաքացիներից մեկը փորձեց ինքնավնասվել

Այսօր` փետրվարի 28-ին, տեղի ունեցավ ՀՀԿ Գործադիր մարմնի նիստը, որը վարում էր ՀՀ նախագահ Սերժ Սարգսյանը: Նիստի ընթացքում կենտրոնական գրասենյակի մոտ էին հավաքվել Հանրապետության 33 շենքի բնակիչները: Նրանք բողոքում էին «Գլենդել Հիլզի» վարած քաղաքականությունից և պահանջում էին կացարանով ապահովել իրենց:

Դեռևս 7 տարի առաջ  քանդել են բնակիչների տները` խոստանալով նույն վայրում բնակարաններ տրամադրել, սակայն ընկերությունը խոստումը չի կատարում, իսկ բնակարանատերերը մնացել են անելանելի վիճակում:

Հավաքված կանայք, տեսնելով ՀՀԿ-ականների ավտոշարասյունը, սկսեցին վազել դեպի մեքենաները: Նրանցից մեկն անգամ փորձեց ինքնավնասվել, սակայն ոստիկանները կանխեցին այն: