Գարնանային տրամադրություն. Միրանդա Քերը` H&M-ի թրենդային հագուստներով (ֆոտո)

Ավստրալացի սուպերմոդել Միրանդա Քերը գլխավորել է շվեդական հայտնի H&M ապրանքանիշի գարնանային հավաքածուի նոր գովազդային արշավը: Այս մասին հայտնում է Viva.ua կայքը:

Համացանցում են հայտնվել Միրանդայի մասնակցությամբ առաջին գովազդային լուսանկարները, որոնցում գեղեցկուհին հանդես է գալի հայտնի բրենդի նորաձև հագուստներով: Մոդելը կրում է թրենդային պիջակներ անդրոգինի ոճում, արհեստական կաշվից կարճ շորտեր, կրեմագույն և վարդագույն ռոմանտիկ կիսաշրջազգեստներ, ինչպես նաև զուսպ բլուզների` դասական և առավել ամենօրյա տարբերակներ:
Հիշեցնենք, որ H&M-ի հետ պայմանագիր կնքելով' Միրանդան փոխարինեց իր կոլեգային` բրազիլացի սուպերմոդել Ժիզել Բունդհենին, որը սերտորոն համագործակցում էր բրենդի հետ և հանդիսանում էր վերջինիս դեմքը: