«ՀԺ». «Կդիմավորենք Մարտի 2-ի լուսաբացը. մի բան, որ չհաջողվեց 2008-ին»

Մոտ երկու շաբաթ առաջ Նիկոլ Փաշինյանը հայտարարել էր, որ Սասուն Միքայելյանի հետ որոշել է Մարտի 1-ի գիշերն անցկացնել Մյասնիկյանի արձանի մոտ: «2014 թվականի Մարտի 1-ի երեկոյան, ժամը 21.00-ին Սասուն Միքայելյանի հետ կլինենք Մյասնիկյանի արձանի մոտ, այնտեղ կանցկացնենք ողջ գիշերը, այնտեղ կդիմավորենք Մարտի 2-ի լուսաբացը. մի բան, որ չհաջողվեց 2008-ին»,- գրել էր Փաշինյանը ֆեյսբուքյան իր էջում: Նախօրեի երեկոյան, սակայն, Նիկոլ Փաշինյանը «Նաիրի» բժշկական կենտրոնում ենթարկվել է կույրաղիքի անհետաձգելի վիրահատության: Երեկ նա հանդես է եկել հայտարարությամբ:

Այսօր` 2008-ի մարտիմեկյան ողբերգության վեցերորդ տարելիցին, ինչպես ամեն տարի, տարբեր քաղաքական-քաղաքացիական ուժեր անցկացնելու են ակցիաներ: Ժամը 12:00-ին մի շարք քաղաքացիական ակտիվիստներ ու իրավապաշտպաններ կհավաքվեն Մյասնիկյանի արձանի մոտ, ապա Գրիգոր Լուսավորիչ-Պարոնյան-Պռոշյան երթուղով կհասնեն մինչեւ նախագահական նստավայր՝ Բաղրամյան 26: Նույն ժամին Մյասնիկյանի արձանի մոտ իրենց հարգանքի տուրքը կմատուցեն նաեւ «Հայազն» կուսակցության անդամները: Ժամը 15:00-ին Ազատության հրապարակում տեղի կունենա Հայ Ազգային Կոնգրեսի հանրահավաքը, որտեղ ելույթ կունենա նաեւ առաջին նախագահ Լեւոն Տեր-Պետրոսյանը: Հանրահավաքին կհաջորդի երթ:

Իսկ արդեն ժամը 21-ին Մյասնիկյանի արձանի մոտ կհավաքվեն Սասուն Միքայելյանը, զոհերի ծնողները եւ ուրիշներ` այնտեղ անցկացնելու ողջ գիշերը:

Շարունակությունը` «Հայկական Ժամանակ» օրաթերթի այսօրվա համարում: