«Հրապարակ». «Խնամի-մարգարեներին» է պատկանում հորերի 80 տոկոսը

Վերջին օրերին մեծ աղմուկ հանած Արարատի մարզի ջրօգտագործման խնդիրների տակ ոչ միայն քաղաքական շերտ կա, այլեւ` տնտեսական, իրավական:

Հիշեցնենք, որ այդ առնչությամբ նախաքննություն է ընթանում, եւ երկու գործ կա հարուցված: Ինչ վերաբերում է «Արարատցեմենտին», ապա դրա մասով կան նաեւ բնապահպանական նորմերի խախտումներ: Որոշ տեղեկություններով, ցեմենտը կորզվում է շատ ավելի «լայն» շառավղով, քան արձանագրված է լիցենզիայով: Ինչ վերաբերում է ձկնարդյունաբերական հորերին, ապա մարզում շուրջ 120 ընկերություններ զբաղվում են «ձկան գործով», որոնց մի մասն ունեցել է թույլտվություն, սակայն ժամկետն արդեն ավարտվել է, ու հիմա, փաստորեն, ապօրինի են շահագործում հորերը` մինչեւ նոր պայմանագիր կնքելը, իսկ մյուս հորերն ընդհանրապես ապօրինի են: Հորերի հիմնական մասը ձկան մագնատներին է պատկանում` Հովիկ Աբրահամյան, Գագիկ Ծառուկյան, Սամվել Ալեքսանյան: Մեր տեղեկություններով, սակայն, 120 ընկերություններից շատ քչերի, եթե չասենք՝ ընդհանրապես ոչ մեկի հետ հնարավոր է պայմանագիրը չերկարացվի, որովհետեւ շրջակա գյուղերը խմելու ջրի խնդիր ունեն, եւ ջուրը կուղղվի բնակիչների ջրապահովմանը, կենսական խնդիրների լուծմանը:

Փաստորեն, քաղաքական բաղադրիչին գումարելով «բարոյահոգեբանականը», հաստատելով այն իմաստնությունը, որ սեփական մարգարեն հարգված չէ սեփական մարզում, որովհետեւ «խնամի-մարգարեներին» է պատկանում հորերի 80 տոկոսը:

Շարունակությունը` «Հրապարակ» օրաթերթի այսօրվա համարում: