Ալ. Սպենդիարյանի անվան օպերայի և բալետի ազգային ակադեմիական թատրոնի տնօրենի պաշտոնը զբաղեցենելու համար մրցույթ է հայտարարվել

ՀՀ մշակույթի նախարարությունը «Ալ. Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ-ի տնօրենի թափուր պաշտոնը զբաղեցնելու համար մրցույթ է հայտարարել: Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից, տնօրենի թափուր պաշտոնի մրցույթին մասնակցելու համար պարտադիր պայմաններն են'

ՀՀ քաղաքացիություն, բարձրագույն կրթություն` մշակութաբանություն, արվեստաբանություն, պատմություն, միջազգային հարաբերություններ, օտար լեզու, մանկավարժություն և հոգեբանություն, արվեստի կառավարում (մենեջմենթ), թատերագիտություն, երաժշտագիտություն մասնագիտություններից որևէ մեկով, մշակույթի ոլորտում կառավարման առնվազն 3 տարվա կամ առնվազն 5 տարվա մասնագիտական աշխատանքային ստաժ, իր պարտականությունների կատարման համար անհրաժեշտ իրավական ակտերի իմացություն, «Ալ. Սպենդիարյանի անվան օպերայի և բալետի ազգային ակադեմիական թատրոն» պետ ական ոչ առևտրային կազմակերպության զարգացման հայեցակարգ, հիմնադրույթներ մշակելու կարողություն:

Լրացուցիչ պայմաններն են` առնվազն երկու օտար լեզուների իմացություն, ֆինանսատնտեսագիտական գործունեության իրականացման կարողություն, աշխատանքի կազմակերպման և ղեկավարման անհրաժեշտ հմտություն, մշակութային կազմակերպություններում մարկետինգի և մենեջմենթի հմտություն, տրամաբանելու և տարբեր իրավիճակներում կողմնորոշվելու ունակություն, ենթակաների հետ վարվելու անհրաժեշտ էթիկայի կանոնների իմացություն:

Մրցույթը կկայանա 2014 թվականի ապրիլի 4-ին ՀՀ մշակույթի նախարարության աշխատակազմում: