Բիլ Գեյթսը վերադարձրել է Forbes հանդեսի վարկածով ամենահարուստ միլիարդատիրոջ տիտղոսը

Microsoft ամերիկյան տեխնոլոգիական կորպորացիայի համահիմնադիր Բիլ Գեյթսը 76 մլրդ դոլար կարողությամբ վերադարձրել է Forbes հանդեսի վարկածով ամենահարուստ միլիարդատիրոջ տիտղոսը: Այդ մասին Է վկայում հրատարակության նորացված ամենամյա վարկանիշը:

Գեյթսը առաջատարի դիրքը կորցրել էր չորս տարի առաջ: Անցյալ տարի Forbes-ը մոլորակի ամենահարուստ միլիարդատեր էր հայտարարել մեքսիկացի մեդիամագնատ Կառլոս Սլիմին, սակայն 2014-ի վարկանիշում նա 72 մլրդ դոլարով նահանջել Է երկրորդ հորիզոնական: Երրորդ տեղը, ինչպես եւ մեկ տարի առաջ, զբաղեցրել Է Inditex ընկերության հիմնական սեփականատեր իսպանացի Ամանսիո Օրտեգան, որի կարողությունը կազմում Է 64 մլրդ դոլար:

Ֆինանսական աշխարհում հայտնի միլիարդատեր Ուորեն Բաֆեթը 58,2 մլրդ դոլարով մնացել Է չորրորդ տեղում: Նրան հաջորդում է Oracle-ի հիմնադիր ու գլխավոր տնօրեն Լարի Էլիսոնը, որի կարողությունը գնահատվում է 48 մլրդ դոլար:

Վարկանիշում ներկայացված ռուսաստանցիների միագումար կարողությունը անցյալ տարվա ընթացքում նվազել է 1,17 տոկոսով՝ մինչեւ 422 մլրդ դոլար: Ռուսաստանցի ամենահարուստ միլիարդատերերի ցուցակում առաջատարը «Մետալոինվեստի» սեփականատեր Ալիշեր Ուսմանովն է՝ 18,6 մլրդ դոլար կարողությամբ: Forbes –ի գլոբալ վարկանիշում նա զբաղեցրել է 40-րդ հորիզոնականը:

Ալֆա-գրուպի հիմնական սեփականատեր Միխայիլ Ֆրիդմանը 17,6 մլրդ դոլարով 47-րդ դիրքում է, 51-րդ հորիզոնականն զբաղեցնում է «Ռենովա» խմբի սեփականատեր Վիկտոր Վեքսելբերգը՝ 17,2 մլրդ դոլարի կարողությամբ: Համաշխարհային ցուցակում ամենահարուստ ռուսաստանցիների տասնյակը եզրափակում է Միխայիլ Պրոխորովը, որը 10,9 մլրդ դոլարով զբաղեցնում է 109-րդ տեղը: