Օպերայի թատրոնի տնօրենի թափուր պաշտոնը զբաղեցնելու համար մրցույթ է հայտարարվել

ՀՀ մշակույթի նախարարությունը հայտարարում է մրցույթ «Ալ. Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ-ի տնօրենի թափուր պաշտոնը զբաղեցնելու համար

Տնօրենի թափուր պաշտոնի մրցույթին մասնակցելու համար սահմանվում են հետևյալ պայմանները'

Պարտադիր պայմաններ`

 ՀՀ քաղաքացիություն,

բարձրագույն կրթություն` մշակութաբանություն, արվեստաբանություն, պատմություն, միջազգային հարաբերություններ, օտար լեզու, մանկավարժություն և հոգեբանություն, արվեստի կառավարում /մենեջմենթ/, թատերագիտություն, երաժշտագիտություն մասնագիտություններից որևէ մեկով, մշակույթի ոլորտում կառավարման առնվազն 3 տարվա կամ առնվազն 5 տարվա մասնագիտական աշխատանքային ստաժ, իր պարտականությունների կատարման համար անհրաժեշտ իրավական ակտերի իմացություն /այդ թվում` ՀՀ Սահմանադրություն, Պետական ոչ առևտրային կազմակերպությունների մասին ՀՀ օրենք, ՀՀ աշխատանքային օրենսդրություն և այլ իրավական ակտեր/, «Ալ. Սպենդիարյանի անվան օպերայի և բալետի ազգային ակադեմիական թատրոն» պետական ոչ առևտրային կազմակերպության զարգացման հայեցակարգ, հիմնադրույթներ մշակելու կարողություն:

Լրացուցիչ պայմաններ`

առնվազն երկու օտար լեզուների իմացություն

ֆինանսատնտեսագիտական գործունեության իրականացման կարողություն

աշխատանքի կազմակերպման և ղեկավարման անհրաժեշտ հմտություն

մշակութային կազմակերպություններում մարկետինգի և մենեջմենթի հմտություն

տրամաբանելու և տարբեր իրավիճակներում կողմնորոշվելու ունակություն

ենթակաների հետ վարվելու անհրաժեշտ էթիկայի կանոնների իմացություն:

Մրցույթը կկայանա 2014 թվականի ապրիլի 4-ին` ժամը 10:30-ին, ՀՀ մշակույթի նախարարության աշխատակազմում /հասցե' ք. Երևան, Հանրապետության Հրապարակ, Կառավարական շենք N 3, 7-րդ հարկ/: Մրցույթին մասնակցել ցանկացողները նախարարության աշխատակազմ պետք է անձամբ ներկայացնեն հետևյալ փաստաթղթերը.

դիմում` մրցութային հանձնաժողովի անունով /լրացվում է փաստաթղթերը ներկայացնելիս/

մասնագիտական գիտելիքների և աշխատանքային ունակությունների տիրապետումը հավաստող փաստաթղթերի /դիպլոմների, վկայականների, աշխատանքային գրքույկի կամ վերջիններիս բացակայության դեպքում անհրաժեշտ է ներկայացնել համապատասխան մարմնից տեղեկանք/ բնօրինակները և մեկական պատճենները

զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի բնօրինակը և պատճենը, կամ համապատասխան տեղեկանք /միայն արական սեռի անձինք/

 3x4 սմ չափսի մեկ լուսանկար

 անձնագիրը և պատճենը

ինքնակենսագրությունը

դիմողի կողմից լրացված կադրերի հաշվառման թերթիկը

տեղեկանք մշտական բնակության վայրից

հրատարակված հոդվածների ցանկը և գիտական կոչումը հավաստող փաստաթղթերը /դրանց առկայության դեպքում/

բնութագիր` վերջին աշխատավայրից

«Ալ. Սպենդիարյանի անվան օպերայի և բալետի ազգային ակադեմիական թատրոն» պետական ոչ առևտրային կազմակերպության զարգացման` դիմողի կողմից մշակված հայեցակարգ:

Փաստաթղթերն ընդունվում են ամեն օր, բացի շաբաթ և կիրակի օրերից, ժամը 14:00-ից մինչև 17:00-ը:

Դիմումների ընդունման վերջնաժամկետն է` 15.03.2014 թ., տեղեկատու հեռ.` 51-63-11: