«Բորուսիան» մտադիր չէ սպիտակ դրոշ բարձրացնել «Բավարիայի» առաջ

Դորտմունդի «Բորուսիայի» կիսապաշտպան Սեբաստիան Կելը հայտարարել է, որ Մյունխենի «Բավարիան» գերազանցում է իր մրցակիցներին, սակայն իրենք մտադիր չեն դադարեցնել պայքարը մյունխենցիների հետ:

«Մեր թիմում խելահեղ խաղային որակներ ունեցող ֆուտբոլիստներ կան, սակայն մեզ կայունություն է անհրաժեշտ, եթե ցանկանում ենք զբաղեցնել երկրորդ տեղը: Իհարկե, «Բավարիան» ցուցադրում է  բոլորովին այլ խաղամակարդակ, բայց մենք չենք պատրաստվում սպիտակ դրոշ բարձրացնել: Տեսնենք` ինչպես կզարգանան իրադարձությունները»,-ֆուտբոլիստի խոսքը մեջբերում է գերմանական մամուլը: