Անթույլատրելի է Գառնու տարածքում որևէ շինության կառուցումը
Հասարակություն
Գառնու տաճարի հարակից տարածքում սեզոնային սրճարան է կառուցվելու: Մշակույթի նախարարն ինքն է նախագծին հավանություն տվել: Այսօր լրագրողների հետ հանդիպմանը հնագետ Համլետ Պետրոսյանն ասաց, որ Գառնու տարածքում չի կարելի տեղադրել ո′չ հիմնական, ո′չ էլ ժամանակավոր որևէ սրճարան:
«Ոչ միայն տաճարն է պատմամշակութային հուշարձան, այլ նաև հարակից տարածքը: Գառնին միանշանակ պատմամշակութային լանդշաֆտային հուշարձան է, ոչ թե միայն հեթանոսական տաճար: Գառնիի հնավայրը ամրոցն է, որը ներառում է տաճարը, պալատական կառույցները: Այն պատմամշակութային հնավայր է, ամբողջական համալիր, և եթե մի փոքրիկ բան էլ խախտվի, այն իր ամբողջականությունը կկորցնի»,-ասաց հնագետը և հավելեց, որ տարածքը դեռ ուսումնասիրությունների կարիք ունի և անթույլատրելի է այնտեղ որևէ շինության կառուցումը:
Նշենք, որ Գառնու տարածքում սրճարան կառուցելու որոշումը լուրջ քննադատություների տեղիք է տվել և մեծ բողոքի ալիք բարձրացրել: Ի պաշտպանություն հնագիտական կառույցի տարածքի պահպանման պայքարում են մտավորականներ, ակտիվիստներ, Գառնիի բնակիչներ:
Հիշեցնենք նաև, որ օրերս մի խումբ երիտասարդ ակտիվիստներ սրճարանի կառուցման համար նախատեսված շինանյութը բերել էին Երևան՝ Մշակույթի նախարարության շենքի մոտ:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
