Ոստիկանությունն ազատ արձակեց Ֆինանսների նախարարության մոտից բերման ենթարկված երիտասարդներից մեկին

ՀՀ ֆինանսների նախարարության մոտ ակցիային մասնակցած և ոստիկանության օրինական պահանջներին չենթարկվելու համար բերման ենթարկված' «Դ!եմ եմ» նախաձեռնության երեք անդամներից մեկն ազատ արձակվեց: Ակցիայի մասնակիցները նրանց դիմավորեցին Ոստիկանության Երևանի Կենտրոնականի բաժնի մոտ:

Նրանց նկատմամբ վարչական իրավախախտման արձանագրություն է կազմվել' Վարչական իրավախախտումների մասին օրենսգրքի 182-րդ հոդվածի համաձայն (հասարակական կարգի պահպանության պարտականությունները կատարելու ընթացքում ոստիկանության ծառայողի կամ զինծառայողի օրինական կարգադրությանը կամ պահանջին չարամտորեն չենթարկվելը՝ առաջացնում է տուգանքի նշանակում՝ սահմանված նվազագույն աշխատավարձի տասնապատիկից մինչև հիսնապատիկի չափով): Մյուսներին ազատ կարձակեն մի քանի րոպեից:

ՀՀ ֆինանսների նախարարության դիմաց կուտակային կենսաթոշակային համակարգի դեմ բողոքող մի քանի տասնյակ երիտասարդներ մարտի 7-ին փորձել են խոչընդոտել երթևեկությունը, փակել են Նալբանդյան փողոցը: Նրանք չեն ենթարկվել ոստիկանների' փողոցի բնականոն երթեւեկությունը չխախտելու պահանջը, ինչից հետո տեղի է ունեցել հրմշտոց: Ոստիկանները շղթա են կազմել' նրանց հետ քաշելով բանուկ հատվածից, որպեսզի կանխեն խցանումները երթեւեկության թեժ ժամին: Նախքան ոստիկանական շղթան կազմելը շենքից դուրս են եկել նախարարության աշխատակազմի ղեկավարն ու ներկայացուցիչները և Երևանի փոխոստիկանապետ Վալերի Օսիպյանի հետ առաջարկել մի քանի հոգանոց խումբ կազմել և գնալ նախարարություն և ներկայացնել նրանց պահանջը' հանդիպում նախարար Դավիթ Սարգսյանի հետ: Ակցիայի շարժվում են ոստիկանական բաժանմունք, որտեղ բերման են ենթարկվել նրանց մի քանի ընկերներ: