Շիրակում բարձր բերք է ակնկալվում

Բարենպաստ եղանակային պայմանների դեպքում Շիրակում գարնանային գյուղատնտեսական աշխատանքերը կմեկնարկեն մեկ շաբաթից: Այս մասին «Արմենպրես»-ին տեղեկացրեց Շիրակի մարզպետարանի գյուղատնեսության վաչության պետ Մովսես Մանուկյանը:

Սովորաբար, Շիրակի մարզում գարնանային գյուղատնտեսական աշխատանքերը մեկնարկում են ավելի ուշ՝ ապրիլին: «Եթե եղանակային պայմանները թույլ տան, մեկ շաբաթից կսկսենք աշնանացան ցորենի առաջին սնուցման և գարնանացան մշակաբույսերի հողի նախնական մշակման աշխատանքները: Եթե այսպես շարունակվի մինչև մայիսի 1-ն, այդ աշխատանքները մարզում կավարտենք: Դիտարկումները ցույց են տալիս, որ երբ գարնանացանի աշխատանքներն իրականացվում են մարտին, ապա տվյալ տարածքից 30-40 ցենտներ բերք է ստացվում, բայց երբ իրականացվում է ապրիլին, ապա բերքն ավելի պակաս է լին ում»,- նշեց Մովսես Մանուկյանը:

Մարզի գլխավոր գյուղատնտեսը վստահեցնում է, որ աշնանացանը մարզում շատ լավ վիճակում է, և եթե չդիտվի գարնանային ցրտահարութուն, ապա այս տարի ևս, 2013-ի նման, մարզում բարձր բերք է ակնկալվում:

Մարզում այս տարի ցանված է մոտ 23 հազար հեկտար աշնանացան ցորեն: «Մեր բերքի հիմնական ցուցանիշը կախված է բնակլիմայական պայմաններից. եթե գարունը բարենպաստ է, մենք այդ տարի բավականին բերք են ակնկալում: Անցած տարին բերքառատ էր՝ 1 հեկտարից գարնանացան գարու 27 ցենտներ և 34 ցենտներ հացահատիկի միջին բերք ենք ունեցել»,- ավելացրեց Մովսես Մանուկյանը: