Ղրիմը մնալու է Ուկրաինայի կազմում. Յացենյուկ
Աշխարհ
Ինչպես հայտնում է «Ուկրինֆորմ», Ուկրաինայի վարչապետ Արսենի Յացենյուկը հայտարարել է, որ Ղրիմի Ինքնավար Հանրապետությունը կմնա Ուկրաինայի կազմում, չնայած Ղրիմի ինքնահռչակ իշխանությունների՝ անջատվելու փորձերին: Այդ մասին Յացենյուկն ասել է մարտի 7-ին Կիևում կայացած մամուլի ասուլիսում:
«Ես ցանկանում եմ միանգամայն պարզորոշ հայտարարել: Ղրիմը եղել է, կա և կմնա Ուկրաինայի բաղկացուցիչ մասը: Ոչ մի անջատում»,-ասել է նա:
Յացենյուկն ընդգծել է, որ հանրաքվեն անօրինական է: «Ոչ ոք չի ճանաչում այդ հանրաքվեն, հնարավոր է՝ բացառությամբ Հյուսիսային Կորեայի, Սիրիայի կամ Իսրայելի»:
Կառավարության ղեկավարը նշել է, որ Ռուսաստանի Դաշնության հետ Ղրիմի հարցի շուրջ բանակցություններն սկսվել են: «Դրանք այնքան վատ չեն, որքան մենք սպասում էինք, բայց այնքան լավ չեն, որքան դա մեզ անհրաժեշտ է»,-բանակցային գործընթացը մեկնաբանել է Յացենյուկը:
Մինչդեռ, ինչպես հայտնել է Ղրիմի Գերագույն խորհրդի ղեկավար Վլադիմիր Կոնստանտինովը, Ղրիմն արդեն պատրաստվում է մարտի 16-ի հանրաքվեին հրավիրել միջազգային դիտորդների, նախևառաջ Ռուսաստանից: «Դիտորդների հարցում, նախևառաջ Ռուսաստանից, մենք չենք առարկում»,-ասել է նա:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
