«Հրապարակ». Ֆերմերները գյուղնախարարին անարգանքի սյունին են գամել

Նախորդ օրը ԱԺ-ում տեղի ունեցած գյուղատնտեսական խնդիրներին եւ «ցեցի» դեմ պայքարին նվիրված լսումները, պարզվում է, «արարատյան սագայի» երրորդ արարն են եղել: Լսումներին, բացի պատգամավորներից եւ հասարակական կազմակերպություններից, առաջին անգամ մասնակցել են նաեւ ֆերմերները, բայց հատկապես նրանք, ովքեր լուրջ խնդիրներ ունեն ցորենի անորակ սերմացուի հետ կապված` դատական ատյաններում, եւ քննարկումը նրանց թեթեւ ձեռքով սահուն վերածվել է մինի-միտինգի: Վերջիններս գյուղնախարարին անարգանքի սյունին են գամել, ասել են` ինչ ցանկացել են, ինչպես ցանկացել են, նրանց որոշ ասածներ Հովիկ Աբրահամյանը չի հասկացել, խնդրել է, որ կրկնեն, որպեսզի տեսախցիկներն էլ «հասկանան», հետո ամոթանք է տվել ֆերմերներին, թե էդ ինչե՞ր եք ասում նախարարին, չի կարելի, չէ՞, բա ամոթ չի՞: Մեր տեղեկություններով, ֆերմերները հրավիրվել են հենց ԱԺ նախագահի ցուցումով: Երեկ մեզ չհաջողվեց կապվել ԱԺ գյուղատնտեսության մշտական հանձնաժողովի նախագահ Մարտուն Գրիգորյանի հետ` ճշտելու, թե ինչպես է «բանը» եղել:

Ընդ որում, ԱԺ մշտական հանձնաժողովի նիստը գրեթե վարել է Արգամիչը, երբ այլ դեպքերում ողջույնի խոսքն ասում ու հեռանում է: Բանն այն է, որ գյուղնախարարի հետ «Արտֆուդի» համասեփականատեր Հովիկ Աբրահամյանը (իրականում' նրա որդին) տեւական ժամանակ է՝ ինչ-որ բան չեն կիսում: Բայց արարատցի Սերգո Կարապետյանն ինչքան վատ նախարար է, նույնքան ճկուն դիվանագետ. նա վարչապետ Տիգրան Սարգսյանի, Արարատի մարզպետ Գրիգորյանի հետ ջերմ հարաբերություններ ունի, հետն էլ ռուսական «թիկունք»՝ հանձին Արթուր Չիլինգարովի, որի զարմիկն է:

Շարունակությունը` «Հրապարակ»-ի այսօրվա համարում: