«Հրապարակ». ՌԴ միգրացիոն նոր օրենքը խնդիրներ է ստեղծել մոտ 170 հազար հայերի համար

Հունվարի 1-ից գործող ՌԴ միգրացիոն նոր օրենքը խնդիրներ է ստեղծել մոտ 170 հազար հայերի համար, որոնց մի մասը դեպորտ է արվել, մյուս մասին` վարչական խախտումների պատճառով, 3 տարով արգելել են մուտքը Ռուսաստան, ինչը ոչ միայն նյութական վնասներ է պատճառել, այլեւ, որոշ դեպքերում, ընտանիքների տարանջատման է հանգեցրել: Գրում է «Հրապարակ»-ը:

ԱԱԽ քարտուղար Արթուր Բաղդասարյանի՝ այս խնդրին վերաբերող նամակին արձագանքած Պատրուշեւն առաջարկել էր համատեղ նայել հարցը` ելքեր գտնել: Ի՞նչ վիճակում է խնդիրն այսօր՝ հարցրինք ԱԱԽ աշխատակազմի ղեկավար Արտաշես Ավոյանին, ով այդ հարցով օրերս Մոսկվայում էր:

«Ռուսական կողմի առաջարկով միջգերատեսչական խումբ է ձեւավորվել, պատվիրակությունները բաղկացած են անվտանգության, միգրացիոն խորհուրդների, արտաքին գերատեսչության ներկայացուցիչներից: Փետրվարի 27-ին տեղի ունեցավ առաջին հանդիպումը, հնչեց մեր առաջարկությունը` ստորագրել միջկառավարական համաձայնագիր, որը շատ արագ կտա այդ խնդիրների լուծումը, պայմանավորվածություն ձեռք բերվեց վերջնական մշակել փաստաթուղթը, առաջիկա հանդիպմանը քննարկել այն»: Հայկական կողմն ուզում է այդ փաստաթուղթն ստորագրել մինչեւ մայիս:

Շարունակությունը` «Հրապարակ» օրաթերթի այսօրվա համարում: