Տարոն Մարգարյանն անսահման երջանկություն ու հաջողություններ է մաղթել կանանց
Հասարակություն
Երևանի քաղաքապետ Տարոն Մարգարյանը շնորհավորել է կանանց` Մարտի 8-ի կապակցությամբ և մաղթել, որ բնության զարթոնքին համընկնող տոնը լեցուն դարձնի կանանց յուրաքանչյուր օր գարնան բույրով, արևով, ուրախ ու բարձր տրամադրությամբ:
Ինչպես հաղորդում են Երևանի քաղաքապետարանից, Տարոն Մարգարայնի շնորհավորական խոսքում մասնավորապես ասվում է. «Մեր ժողովրդի դարավոր պատմության վճռորոշ բոլոր պահերին դուք ձեր անուրանալի ներդրումն եք ունեցել մեր բոլոր հաղթանակների ու մեր պետության կայացման գործում։ Այսօր էլ նույն անմնացորդ նվիրումով շարունակում եք ձեր ավանդը բերել մեր երկիրի ու մեր սիրելի մայրաքաղաքի շենացմանը: Ձեր անսպառ լավատեսությամբ, բարությամբ ու անհատնում համբերությամբ, դժվարությունները դիմակայելու անբացատրելի տարողությամբ, ընտանիքին ձեր անմնացորդ նվիրումով դուք, սիրելի կանայք, ամբողջացնում եք հայ կնոջ կերպարը, ինչի համար արժանի եք ամենաբարձր գնահատանքի»: Քաղաքապետը կանանց մաղթել է քաջառողջություն, անսահման երջանկություն ու հաջողություններ:
ՈՒՂԻՂ ԵԹԵՐ
Ամենադիտված 
Պաշտոնանկություն՝ Նիկոլ Փաշինյանի որոշմամբ
