Դիրիժոր Պավել Կոգանը կղեկավարի Ֆիլհարմոնիկ նվագախումբը
Գիտություն և Մշակույթ
Ջութակահար, Մոսկվայի պետական ակադեմիական սիմֆոնիկ նվագախմբի գլխավոր դիրիժոր Պավել Կոգանը հանդես կգա Հայաստանում: Հայտնի դիրիժորը մարտի 14-ին կղեկավարի Հայաստանի պետական ֆիլհարմոնիկ նվագախումբը: Ինչպես տեղեկացնում են ՀՊՖՆ մամուլի ծառայությունից, Կոգանը Ֆիլհարմոնիկի հետ կկատարի Բիզեի «Առլեզիեն» թիվ 1 սյուիտը, Գունոյի «Ֆաուստ» ստեղծագործության բալետային տեսարանների հատվածները, ինչպես նաև Բեթհովենի 4-րդ սիմֆոնիան: Միջոցառումը «100 համերգ Հայոց ցեղասպանության նահատակների հիշատակին» շարքի հերթական իրադարձությունն է:
Ջութակահար և դիրիժոր Պավել Կոգանը ծնվել է 1952 թվականին Մոսկվայում։ Հայրը և մայրը հայտնի ջութակահարներ Պավել Կոգանն ու Ելիզավետա Գիլելսն են, մորեղբայրը դաշնակահար Էմիլ Գիլելսն է, իսկ քույրը դաշնակահարուհի է։ Երաժշտության ասպարեզ է մտել` որպես ջութակահար, իսկ 1972 թվականին առաջին անգամ հանդես է եկել որպես դիրիժոր: Դրանից հետո գլխավորել է աշխարհի տարբեր նվագախմբեր: 1989 թվականից ստանձնել է Մոսկվայի պետական ակադեմիական սիմֆոնիկ նվագախմբի գլխավոր դիրիժորի պաշտոնը։ Կատարել է բազմաթիվ ձայնագրություններ, որոնց համար ստացել է մրցանակներ:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
