Հայաստանը միանում է «Ուղեղի ճանաչման շաբաթը» միջազգային արշավին

Հայաստանը միանում է «Ուղեղի ճանաչման շաբաթը» միջազգային արշավին, որի շրջանակներում մարտի 10-ին ԵՊՀ կենտրոնական մասնաշենքի գրադարանին հարող նախասրահում տեղի կունենա «Նյարդաբանություն արվեստում» ցուցահանդես-մրցույթի բացման արարողությունը: Ցուցահանդես-մրցույթը կազմակերպում է «Երիտասարդ կենսաբաններ ասոցիացիա» ՀԿ, ԵՊՀ ՈՒսանողական գիտական ընկերության աջակցությամբ՝ «Ուղեղի ճանաչման շաբաթ» միջազգային արշավի շր ջանակներում: Ինչպես «Արմենպրես»-ին տեղեկացրեցին «Երիտասարդ կենսաբաններ ասոցիացիա» ՀԿ-ից, բացման արարողությանը ելույթ կունենան մրցույթի կազմակերպիչները, ինչպես նաև հրավիրված հյուրերը և մրցույթի մասնակիցները:

Մրցույթի շրջանակներում կցուցադրվեն 23 մասնակիցների ավելի քանի 35 աշխատանքները, որոնք արվեստի միջոցով ներկայացնում են մարդու նյարդային համակարգի և ուղեղի գործունեությունը, նյարդային համակարգի հիվանդությունները (Ալցհեյմերի, Պարկինսոնի հիվանդություններ և այլն) և այն ամենը ինչ կապված է նյարդաբանության հետ:

Աշխատանքները կցուցադրվեն մինչև ս.թ մարտի 14-ը ԵՊՀ կենտրոնական մասնաշենքի նախասրահում: Հաղթողներին որոշվելու են ժյուրի անդամների և ֆեյսբուքյան քվեարկության արդյունքում:

«Ուղեղի ճանաչման շաբաթը» միջազգային արշավ է, որի շրջանակներում աշխարհի տարբեր երկրներում իրականացվում են տարաբնույթ միջոցառումներ ուղղված ուղեղի հետազոտությունների և նյարդաբանության ձեռքբերումների վերաբերյալ հասարակության տեղեկացվածության մակարդակի բարձրացմանը:

Մրցույթը իրականացվում է «Դանա» հիմնադրամի և Եվրոպայի նյարդաբանական միությունների ֆեդերացիայի աջակցությամբ: Մրցույթի բացում՝ ժամը 12-ին: