Թեժ ծեծկռտուք մարմնավաճառների միջև. նրանցից մեկը տեղափոխվել է հիվանդանոց. news.am

Երևանի Բագրատունյաց պողոտայում (Ծերեթելի) կանգնող մանրավաճառների միջև այսօր՝ մարտի 10-ի գիշերն ուշագրավ միջադեպ է տեղի ունեցել: Կոմերցիոն նկրտումներով՝ վիճաբանություն է հասունացել մի խմբի միջև, որը վերածվել է ծեծկռտուքի:

Մի քանի աղջիկներով ու տղաներով ծեծի են ենթարկել իրենց գործընկերուհուն՝ 23-ամյա մարմնավաճառին՝ նրան պատճառելով մարմնական վնասվածքներ, վերջինս տեղափոխվել է հիվանդանոց:

NEWS.am-ին հաջողվեց միջադեպից որոշ մանրամասներ ճշտել: Պարզվում է՝ այս դեպքից չորս ամիս առաջ տուժողը ծանոթացել է չորս տղայի և նրանց հետ շփվող երկու մարմնավաճառների հետ, որոնք իրեն առաջարկել են աշխատել իրենց հետ՝ Բագրատունյաց փողոցում և դրա դիմաց նրանց վճարել որոշակի գումար: Բայց չտալու դեպքում էլ զգուշացրել, որ դանակով կհարվածեն և թույլ չեն տա մտնել Շենգավիթի տարածք: Այս պայմանավորվածությամբ սկսել են աշխատել, բայց նա գումարը չի տվել:

Գործընկերները զանգահարել են ու պահանջել իրենց տրվելիք 40 հազար դրամը, ծեծվողը հրաժարվել է տալ, որից հետո այսօր գիշեր Բագրատունյաց փողոցում իր վրա հարձակվել են երկու տղա և երկու մարմնավաճառ ու ծեծի ենթարկել: Վերջինս «գանգուղեղային տրավմա» ախտորոշմամբ տեղափոխվել է Սուրբ Աստվածամայր բժշկական կենտրոն:

Մանրամասն` սկզբնաղբյուր կայքում: